Media Centre

Cuireann ÚABÁC soiléiriú ar eolas breise isteach

Cuireann Aerfort Bhaile Átha Cliath Soiléiriú ar Eolas Breise faoi bhráid Chomhairle Contae Fhine Gall.  Chuir Údarás Aerfort Bhaile Átha Cliath (ÚABÁC) soiléiriú ar an eolas breise a theastaigh ó Rannóg Pleanála Chomhairle Contae Fhine Gall faoina bráid maidir leis an iarratas pleanála i gcomhair tógáil rúidbhealaigh nua soir-siar, Rúidbhealach 10L/28R, ag Aerfort Bhaile Átha Cliath. Tá soiléiriú ar an eolas breise arna lorg ag Comhairle Contae Fhine Gall bunaithe ar na nithe seo a leanas: 
 
Staidéar Réamhaisnéise Foirmiúil i leith trácht paisinéirí ag Aerfort Bhaile Átha Cliath. 
Conas mar atá sé i gceist rochtain a fháil ar Aerfort Bhaile Átha Cliath ón Iarthar. 
Measúnú ar rochtain malartach ar Aerfort Bhaile Átha Cliath i gcás éigeandála ar an M1 nó M50.  
 
Tá súil le cinneadh ó Chomhairle Contae Fhine Gall taobh istigh d'ocht seachtaine. Is cuid riachtanach tógáil an rúidbhealaigh nua ag Aerfort Bhaile Átha Cliath de phleananna foriomlána forbartha amach anseo chun a chur ar chumas an Aerfoirt os cionn 30 milliún paisinéir in aghaidh na bliana a láimhseáil.  
Tá ÚABÁC ag obair faoi láthair le hÚdarás Eitlíochta na hÉireann agus leis na haerlínte atá ag feidhmiú ag Aerfort Bhaile Átha Cliath ionas nach mbeidh an rúidbhealach nua i bhfeidhm go dtí go mbeidh an úsáid is mó agus is féidir á  baint as an gcóras rúidbhealaigh atá ann faoi láthair.   
Tá cóipeanna den soiléiriú ar eolas breise an ÚABÁC ar fáil ó Chomhairle Contae Fhine Gall. 
Stair an iarratais phleanála: 
  10ú Nollaig, 2004 - Cuireann Aerfort Bhaile Átha Cliath iarratas pleanála isteach don rúidbhealach soir/siar nua. 
  10ú Feabhra, 2005 - Faigheann Aerfort Bhaile Átha Cliath iarratas ar Bhreis Eolais ó Chomhairle Contae Fhine Gall. 
  5 Lúnasa, 2005 - Cuireann Aerfort Bhaile Átha Cliath eolas breise faoi bhráid Chomhairle Contae Fhine Gall.  
  30 Meán Fómhair, 2005 - Faigheann Aerfort Bhaile Átha Cliath iarratas ó Chomhairle Contae Fhine Gall ar shoiléiriú ar an eolas breise a cuireadh isteach ar an 5 Lúnasa.  
  3ú Márta, 2006 - Seolann Aerfort Bhaile Átha Cliath soiléiriú ar eolas breise a cuireadh faoi bhráid Chomhairle Contae Fhine Gall.
 
Críoch 
6 Márta, 2006 
I gcomhair tuilleadh eolais téigh i dteagmháil le: Siobhán Moore - 087.2710065